My Rainbowblocks
2-3 weeks
今次推出呢款七彩積木，內容非常豐富，當中三大主題包括小鐵粉最愛嘅港鐵內容🚆、與生活息息相關嘅香港主題🇭🇰、同埋不同嘅幼兒基礎概念📚，例如中文字 (港鐵車站名)、英文字母、數字、形狀等等。
一盒積木包含咗超過15個認知概念，冇固定玩法，小朋友可以任意配撘唔同玩法或者其他玩具一齊玩，令積木玩法更多元化，增添趣味 ❤️
當中值得一提中文字部份係根據港鐵站名而設計，因為有時小朋友認得站名可能係圖像記憶，當拆開啲字就會唔認得，所以希望透過拆開每個站名嘅中文字，可以幫小朋友加強認字同應用，嘗試組合同學習新詞語。
積木亦都包含咗拼圖元素🧩，當中香港常見地標同交通工具都係以二塊拼圖設計，一共有32款不同圖案可以砌！其他香港主題仲有常見天氣警告同香港三大地域及十八分區，可以配合學習主題，仲可以配我地嘅旅遊墊同桌遊書一齊玩，又多一個玩法 😆
由於積木內容實在包羅萬有，不能盡列，詳細可以睇返圖片 🤣
每盒積木包括咗101粒印刷積木，另外有7粒空白積木可以任意DIY內容。每顆積木呎吋約 3cm x 3cm x 3cm。積木係純松木製造，木塊會比較輕同軟身，圖案係以熱轉印技術人手印刷 ❤️ 邊沿位全部都經圓角圓邊處理，所以年齡小嘅小朋友都適合玩。
==================
訂購前注意事項：
由於松木較軟身及積木經圓邊處理，加上人手熱轉印印刷，所以部份積木印貼有機會不平整而出現碎屑。廠商已盡量清理，但亦有機會部份積木未完全清理乾淨，但可人手自行再清理，不影響積木使用，客人請先考慮再訂購。
Chinese (Hong Kong) 
English 
Korean 
Japanese 
Chinese (China)
Reviews
There are no reviews yet.